National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Қазақстан Республикасының Мемлекеттік хатшысы Гүлшара Әбдіқалықова Дүниежүзілік банктің Қазақстандағы тұрақты өкілі Ато Браунмен кездесті

2017 жылғы 19 маусым

Екіжақты кездесу барысында Қазақстан мен Дүниежүзілік банк арасындағы ынтымақтастықтың өзекті мәселелері талқыланды. Бүгінде біздің елде осы банктің қолдауымен жалпы құны 8,1 миллиард доллар көлеміндегі 46 жоба іске асты.

Гүлшара Әбдіқалықова биыл Қазақстан мен Дүниежүзілік банк арасындағы ынтымақтастыққа 25 жыл толып отырғанын атап өтті. Банк ширек ғасырда еліміздегі жекеменшік секторды дамытуға, құрылымдық реформалар жүргізуге және инфрақұрылымды жақсартуға өзіндік үлес қосты.

Мемлекеттік хатшы Қазақстан 2050 жылға қарай озық дамыған 30 елдің қатарына қосылуды мақсат етіп отырғанын айтты. Елбасы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты халыққа жолдауында экономикалық өсімнің жаңа моделін қалыптастыру міндеті қойылды.

Гүлшара Әбдіқалықова 2017 жылы Қазақстан Дүниежүзілік банктің «Бизнес жүргізу жеңілдігі» рейтингінде 190 елдің арасында 51-орыннан 35-орынға көтерілгенін атап өтті. «Тәуелсіздік жылдарында елімізге келген шетелдік тікелей инвестицияның жалпы көлемі шамамен 280 миллиард доллар болды», – деді Мемлекеттік хатшы.

Тараптар екіжақты ынтымақтастықты дамытудың қазіргі қарқынына қанағаттанатынын жеткізді.

Кездесу соңында Гүлшара Әбдіқалықова А.Браунға амандық тілеп, банкке мүше елдердің орнықты экономикалық өсімін қамтамасыз етуде табысқа жетуіне ниеттестігін білдірді.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің