Жаңалықтар

15 маусым 2017
Қазақстан Республикасының Мемлекеттік хатшысы Гүлшара Әбдіқалықова Польша Республикасы Парламенті Сенатының вице-спикері Мария Коц бастаған делегациямен кездесті

Кездесу барысында тараптар Қазақстан-Польша қарым-қатынастарының қазіргі ахуалын, сондай-ақ саяси, экономикалық және мәдени-гуманитарлық ынтымақтастықтың перспективаларын талқылады.

Мемлекеттік хатшы еліміздің қоғамдық-саяси және экономикалық дамуына 32 мың адамды қамтитын поляк диаспорасы өз үлесін қосып отырғанын айтты.

Гүлшара Әбдіқалықова Польша тарапына «ЭКСПО-2017» көрмесіне қатысқаны үшін ризашылық білдіріп, осы елдің баламалы энергетика саласындағы жетістіктерінің маңыздылығын атап өтті.     

Кездесу соңында Мемлекеттік хатшы Польшаның БҰҰ Қауіпсіздік Кеңесінің 2018-2019 жылдар аралығындағы тұрақты емес мүшесі болып сайлануымен құттықтады.

***

Польша Республикасы Парламенті Сенатының вице-спикері Қазақстанға «ЭКСПО-2017» көрмесі аясындағы поляк диаспорасы күніне қатысу үшін келді.


Барлық жаңалықтар
 
Өзге оқиғалар
Барлық оқиғалар