National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Мемлекет басшысы Нұрсұлтан Назарбаевтың атына этномәдени бірлестіктер өкілдерінен Құрбан айт мерекесімен құттықтаған хаттар келіп түсті

2012 жылғы 25 қазан

 

Қостанай облыстық украиндар қауымының басқарма төрағасы А.Тарасенко Президентті мерекемен құттықтай отырып, Қазақстан халқына табыстар мен өсіп-өркендеу тілейді. «Облыстағы жалпы білім беретін мекемелерде этносаралық қатынастар тарихы бойынша бағдарлама енгізілді. Этномәдени бірлестіктердің өкілдерін облыстағы ауыл шаруашылығы, құрылыс индустриясы мен машина жасау салаларындағы индустриалды-инновациялық бағдарламаға қосу жөніндегі Сіздің тапсырмаңыз орындалуда» деп жазады А.Тарасенко.

Қазақстан халқы Ассамблеясының ғылыми бірлестігі атынан Мемлекет басшысын ҚХА Ғылыми-сарапшылық кеңесінің төрайымы А.Сәдуақасова құттықтайды. «Бүгінде Құрбан айт қандай сенімде екеніне қарамастан, еліміздің барлық этносы Қазақстан мұсылмандарымен бірге атап өтетін бүкілхалықтық мерекеге айналды. Біз, ғалымдар, Қазақстан халқы Ассамблеясы аясына бірігу туралы Сіздің шақыруыңызға үн қатып отырмыз. Міне, оның құрамында Ғылыми-сарапшылық кеңесі төртінші жыл жұмыс істеп келеді. Біздің ғылыми жұмысымыз ұлттық бірлік пен қоғамдық келісімді нығайтуды көздейді. Ғылыми жобалар мен зерттеулер жүргізуде ең бастысы - қазіргі заманғы қоғамда біріктіруші факторларды іздеу, Қазақстанда қалыптасқан этносаралық қатынастардың құндылықтарын сақтау және дамыту» деп жазады А.Сәдуақасова.

«Видергебурт» Ақмола облыстық немістер қоғамының төрайымы С.Корнеева өз хатында Қазақстанда болашақ ұрпақтарға рухани және шығармашылық қорын қалдыруға және сақтауға мүмкіндік беретін этномәдени бірлестіктер үшін барлық жағдай жасалғанын атап өткен. Бұл жұмысты халық демократиясының институты саналатын Қазақстан халқы Ассамблеясы үйлестіруде. «Видергебурт» орталығы мұсылмандар үшін ерекше мереке Құрбан айтпен қазақстандықтарды құттықтай отырып, бейбітшілік, келісім және тұрақтылық тілейді.

Маңғыстаудағы «Вайнах» шешен-ингуш этномәдени бірлестігінің төрағасы М.Лорсанов өз хатында атап өткендей: «Бүгінде біздің Қазақстанымыз – бейбітшіліктің, ізгіліктің және өзара түсіністіктің белдеуі деп мақтанышпен айтуға болады». Оның пікірінше, Құрбан айтты мемлекеттік мереке ретінде тану жөніндегі шешімі арқылы Мемлекет басшысы Қазақстан халқына Кеңес билігі жылдары жоғалтқанын қайтарып берді. Хатының соңында М.Лорсанов былай деп жазады: «Ортақ үйімізде лайым келісім, игілік және гүлдену салтанат құра бергей».

«Құрбан айтты мерекелеу – құнын жоғалтпайтын құндылықтардың: парасаттылықтың, жан-дүние тазалығының, жомарттықтың, бейбітшіліксүйгіштіктің, өз жақыныңа деген жанашырлық пен сүйіспеншіліктің белгісі» деп санайды Қарағандыдағы еврей мәдениеті орталығының төрағасы, профессор Молотов-Лучанский. Қарағанды мемлекеттік медицина университетінің проректоры жазғанындай, Мемлекет басшысының Қазақстан халқы Ассамблеясы сессиясында берген тапсырмалары Қарағанды облысында жұртшылықтың, ғалымдар мен өңірдегі Ассамблея мүшелерінің белсене қатысуымен жүзеге асырылып жатыр. «Қазақстан халқының және бүкіл ғаламшар халқының игілігі үшін ұлы істер атқара беріңіз!» деп тілейді  Нұрсұлтан Назарбаевқа профессор Молотов-Лучанский.

«Ұлттық бірліктің негізін біз Отанымыздың тағдырына деген жауапкершіліктен көреміз» делінген «Қырғызстан-Астана» қырғыз этномәдени орталығының төрағасы Ш.Исмайыловтың хатында. Ол Мемлекет басшысының Қазақстандағы бейбітшілік пен тұрақтылықты қамтамасыз етудегі жетекші рөліне тоқталып, мультимәдени қоғамның табысты үлгісін қалыптастырудағы қазақстандық тәжірибенің бірегейлігі мен теңдессіздігін атап өтеді.

Ассамблея мүшесі, облыстық татар этномәдени орталығының төрағасы Г.Гизатуллина Қызылорда облысында Қазақстан жерінде туып-өскен екі мыңдай татар ұлтының өкілдері тұратынын, олардың бұл өлкемен жан-жүрегі туысып кеткенін жазады. «Бүгінде біз бәріміз тәуелсіз заманауи мемлекет құрып жатырмыз. Республикамызда ертеден түрлі халық өкілдерінің бір-біріне деген достық, өзара түсіністік және сыйластық дәстүрі қалыптасқан, олардың өзіндік төл мәдениетін сақтауына және дамытуына жағдай және мүмкіндіктер жасалған» деп жазады татар этномәдени орталығының төрағасы. Хатының соңында Г.Гизатуллина Мемлекет басшысын жасампаз да жарқын мереке Құрбан Айтпен құттықтайды. 

Қазақстан халқы Ассамблеясының Алматы облысындағы «Ұлағат» ақсақалдар кеңесінің төрағасы С.Гаитова Қазақстан халқының 1 пайызын құрайтын ұйғыр ұлты өкілдерінің шетелдегі ұйғырлар игілігін көре алмайтын өз мәдениеттерін дамытуға мүмкіндігі бар екенін атап өткен. «Мемлекет басшысының көреген саясаты арқасында қазақстандықтардың еркін таңдау жасауға құқығы бар: бұл - лайықты өмір сүруге, өз мәдениетін, тілін, дәстүр-салтын зерттеп-біліп қана қоймай, өздерін республиканың тең құқылы азаматтары ретінде сезінудің заңды және шынайы мүмкіндігі. Сізді және елдің барша азаматтарын қасиетті Құрбан Айтпен шын жүректен құттықтаймын» деп жазған С.Гаитова.  

Мемлекет басшысын мерекемен құттықтағандардың қатарында Қазақстан халқы Ассамблеясынан сайланған ҚР Парламенті Мәжілісінің депутаттары да бар. Атап айтқанда, Ж.Әлиев, М.Ахмадиев, Е.Каппель, Р.Ким, А.Мурадов, Н.Нестерова, З.Саяпова, Ю.Тимошенко және Р.Халмуратовтың жолдаған құттықтауда Қазақстан Президентінің дана басшылығының арқасында еліміздің экономикасы қарыштап дамып келе жатқаны атап өтілген. Хат иелері Құрбан айт мейрамы елді береке-бірлікке, ынтымаққа, достыққа, татулыққа, төзімділікке шақыратындығымен ерекшеленетініне тоқталған.

Ал «Халықаралық «Қазақ тілі» ҚБ Солтүстік Қазақстан облысы филиалының төрағасы Қ.Мұсырманның хатында Құрбан айт – мұсылман қауымның рухани сенім мен тазалықты, қайырымдылық пен кешірімділікті бейнелейтін мейрам екені айтылған. Автор сондай-ақ Солтүстік Қазақстан облысының тұрғындары да Елбасының этносаралық, дінаралық келісім саясатын қолдай отырып, Тұңғыш Президентіміздің басшылығымен қуатты да көркейген Қазақстанды құруда жаңа асуларға жете беретінімізге сенім білдіреді.    


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің