National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Астана, Қазақстан

Елбасы Нұрсұлтан Назарбаев 1 мамыр – Қазақстан халқының бірлігі күнін мерекелеуге арналған шараға қатысты

2019 жылғы 01 мамыр

Тұңғыш Президент Нұрсұлтан Назарбаев елорда тұрғындары мен қонақтары алдында сөйлеген сөзінде барша жұртты Қазақстан халқының бірлігі күнімен құттықтады.

– Бабаларымыз бірліктің арқасында барлық қиындықты еңсеріп, біз үшін осындай Ұлы даланы сақтап қалды. Біз бірге олардың арманын орындап, тәуелсіз Қазақстанды құрдық, – деді Нұрсұлтан Назарбаев.

Елбасы заманауи Қазақстан барлық жетістікке қоғамдағы бірліктің арқасында қол жеткізгенін атап өтіп, бәрін бейбіт өмір мен тұрақтылықты бағалауға және сақтауға шақырды.

– Біз – бақытты халықпыз. Бірлігімізді сақтап, тәуелсіздігімізді құрметтеуіміз керек. Даму бағдарламаларымызды жүзеге асыру еліміздің болашағын одан әрі жарқын ете түседі, – деді Тұңғыш Президент.

Нұрсұлтан Назарбаев әлемде этносаралық қақтығыстардың салдарынан туындайтын қазіргі заманғы сын-тегеуріндерге тоқталды.

– Әр үйге, әр отбасына береке, бақыт, амандық және ертеңгі күнге деген сенімділік тілеймін. Мейрамдарыңызбен! – деп түйіндеді Елбасы.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің