Бөлімдер санаты

Жаңалықтар

8 шілде 2005
Астанада Сыртқы істер министрлігініде «ХХ-ғасыр: Әлем саясаткерлері Н.Ә. Назарбаев туралы» атты кітаптың таныстырылымы болды.

Бұл кітапта мемлекет басшылары мен саясаткерлердің, дін қайраткерлерінің, зияткерлік және іскерлік әлемнің Елбасы Нұрсұлтан Назарбаев туралы пікірлері жинақталған. Сонымен қатар, онда Президенттің халықаралық наградалары мен сыйлықтары, академиялық және құрметті атақтары туралы мәліметтер берілген. Кітап қазақ, орыс және ағылшын тілдерінде жеке-жеке болып «Атамұра» баспасынан шығып отыр. Кітаптың басылуына «Отан» саяси партиясы атсалысты.

 
Таныстырылымда сөз алған ҚР сыртқы істер министрі Қасымжомарт Тоқаев Қазақстанның тәуелсіздік алған жылдардан бергі қол жеткен табыстары мен жетістіктеріне тоқталып өтіп, оның барлығы Елбасының жүргізген көреген саясатының арқасында мүмкін болғанын атап өтті. Және бұл жетістіктің бәрін әлемдік қауымдастық мойындап отырғанын жеткізді. Ол жаңа шығарманы оқырман қауымның жылы қабылдайтынына сенім артты.

 
Сондай-ақ таныстырылымда «Отан» партиясы төрағасының міндетін атқарушы, партия төрағасының міндетін атқарушы Бақытжан Жұмағұлов, Ресейдің Қазақстандағы елшісі Владимир Бабичев, Еуразиялық Ұлттық университетінің ректоры Сәрсенғали Әбдіманапов, Парламент Мәжілісінің депутаты Мұрат Кәрімов кітап жайлы талғамы мен мазмұны жайлы өз пікірлерін ортаға салды.


Барлық жаңалықтар
 
Басқа жаңалықтар
Барлық жаңалықтар