Жаңалықтар

29 қыркүйек 2005
Бүгін Мемлекет басшысы Нұрсұлтан Назарбаев Қазақстан елордасы Астанада өтіп жатқан Дүниежүзі қазақтарының үшінші Құрылтайына қатысты.

178.jpg

179.jpg

Алқалы отырыста Ресей, Қытай, Германия, Түркия, Монғолия, Өзбекстан, Қырғызстан елдерінен келген делегаттар баяндама жасады. Сөз сөйлеушілер қатарында Ресейдің еңбек сіңірген экономисі Никита Ысқақов, Стамбул университетінінің оқытушысы, тарих ғылымдарының докторы Абдуахап Қара, Қырғыз Республикасы Кардиохирургия институтының  директоры, академик Сейітхан Жошыбаев және басқалары бар. Құрылтайға алыс және таяу 32 шетелден 300-ден астам делегат жиналды.

   
Президент Нұрсұлтан Назарбаев отырысқа қатысушыларға ілтипат білдіріп, Дүниежүзі қазақтарының құрылтайы еліміздің аршынды алға басуы мен қарышты дамуының символына айналған Қазақстан елордасы Астанада тұңғыш рет өткізіліп отырғанын атап өтті.

   
-Бізде рух байлығы бар. Ол – бәрiнен бұрын, отаншылдық сезiм, қазақстандық патриотизм. Оның басты өлшемi – татулық, тыныштық, тұрақтылық. Қазақстан бұл жағынан да баянды байлыққа ие. Қазақ жерiн мекен етiп жатқан 120 ұлт пен ұлыстың, 46 конфессия мен деноминацияның өкiлдерi елiмiздегi саяси тұрақтылық пен ұлтаралық келiсiмді берік ұстанып отыр, – деп атап өтті Нұрсұлтан Әбішұлы.

   
Мемлекет басшысы сондай-ақ Тәуелсiз Мемлекеттер Достастығы елдерiнiң iшiнде қандастарын тарихи отанына оралтумен жүйелi айналысып, қомақты мемлекет қаржысын жұмсап отырған жалғыз ел – Қазақстан екенін атап көрсетті.

 

Мемлекет басшысының Дүниежүзі қазақтарының үшінші Құрылтайында сөйлеген сөзінің толық мәтінін қараңыздар.


Барлық жаңалықтар
 
Басқа жаңалықтар
Барлық жаңалықтар