Жаңалықтар

9 маусым 2005
Еуразия жүрегінде” деп аталатын кітаптың авторы – мемлекет басшысы Нұрсұлтан Назарбаев.

68.jpg

Нұрсұлтан Назарбаевтың оқырман назарына ұсынған жаңа туындысы басынан аяғына дейін қазақтың жаңа Елордасы туралы. Қазақ және орыс тілдерінде жарық көрген  кітап 192 беттен, “Астана аңсары”, “Қала шежіресі” және “Елорда эстетикасы” деген үш тараудан тұрады.  Бұл еңбек Президенттің  соңғы 10-12 жыл ішінде қағазға түсірген жазбалары мен жекелеген күнделіктерінің жемісі.

Нұрсұлтан Назарбаев, Қазақстан Республикасының президенті:  

- Бұл жазбаларым мен естеліктерім уақыттың сан алуан кезеңінде, түрлі сапарларымда, тіпті шет мемлекеттерде жүргенімде жазылса, әрдайым жас та жасампаз Астанамызға арналып отырды.

Кітаптың тұсаукесеріне көптеген мемлекет пен қоғам қайраткерлері қатысты. Құрметті  қонақтардың арасында Мәскеу қаласының мэрі де болды. Юрий Лужков жаңа туындының қолжазбасымен танысып шығыпты. Содан алған әсерін жиырма минуттай желпіне жеткізді. Юрий Лужков, Мәскеу қаласының мэрі:  

- Бұл үлкен істің басы ғана. Кітапта соның бәрі тамаша баяндалған. Кітаптың тұсаукесеріне келген қонақтар осы шараға арнайы ұйымдастырылған Астананың даму жобасымен танысып,  Есілдің сол жағалауында ғимараттардың макетін тамашалады. Осыдан бес жыл бұрын бос жатқан жерде қазір сымбаты көз тартатын сәулетті шаһар бой көтеріп келеді. 2007 жылы бұл бөліктегі құрылыс толық аяқталады. Ал қаланың керегесі әуежайға қарай кеңи  береді. Жеті жылдың ішінде жалпақ дүниені өзіне қаратқан Астана енді 10-15 жылдан кейін бұдан да сұлу, бұдан да көрікті қалаға айналады. Ол туралы болашақта әлі талай кітаптар жазылатын болады. Дегенмен, қазақтың жаңа Елордасының шежіресін іздеген адам “Еуразия жүрегіне” үңілері анық.


Барлық жаңалықтар
 
Басқа жаңалықтар
Барлық жаңалықтар