National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Халықаралық қоғамдастық

Атом энергетикасы жөніндегі халықаралық агенттіктің (МАГАТЭ) Қазақстан аумағындағы Төмен байытылған уран банкіне қатысты АҚШ, БАӘ, Германия, Жапония, Иордания, Қазақстан, Канада, Қытай, Испания, Мажарстан, Норвегия, Оңтүстік Корея, Ұлыбритания, Филиппин, Финляндия, Франция, Чехия және Швеция көшбасшыларының бірлескен мәлімдемесі

2016 жылғы 02 сәуір

Бұл мәлімдеме мемлекет басшысының Вашингтон қаласында Ядролық қауіпсіздік жөніндегі саммитке қатысуы барысында қабылданды.

Бірқатар шетел мемлекеттерінің көшбасшылары және Қазақстан Президенті соңғы бірнеше айда Төмен байытылған уран банкін құруға қатысты айтарлықтай ілгерілеуге қол жеткізілгенін атап өтті.    

***

Атом энергетикасы жөніндегі халықаралық агенттіктің (МАГАТЭ) Қазақстан аумағындағы Төмен байытылған уран банкіне қатысты АҚШ, БАӘ, Германия, Жапония, Иордания, Қазақстан, Канада, Қытай, Испания, Мажарстан, Норвегия, Оңтүстік Корея, Ұлыбритания, Филиппин, Финляндия, Франция, Чехия және Швеция көшбасшыларының бірлескен мәлімдемесі 

 

Отын циклінің бастапқы кезеңінде мүше мемлекеттерге қосымша кепілдіктер беруге арналған ядролық отын жеткізуді қамтамасыз ету тетіктерінің бірі ретінде Төмен байытылған уран (ТБУ) банкін құрудың маңыздылығын атай отырып;

Атом энергиясы жөніндегі халықаралық агенттіктің (АЭХА) Қазақстанда АЭХА-ның ТБУ Банкін құрудағы аса маңызды күш-жігерін атай отырып;

Қазақстанның ядролық қаруды таратпауға және халықаралық бейбітшілікке қатысты керемет қызметтер атқарғанын атай отырып;

Барлық донорлардың – «Ядролық қауіп-қатерді азайту жөніндегі бастаманың», Америка Құрама Штаттарының, Еуропалық Одақтың, Қазақстанның, Кувейттің, Норвегияның, Біріккен Араб Әмірліктерінің және Дүниежүзілік ядролық тасымалдау институты Атом энергетикасы жөніндегі халықаралық агенттігінің ТБУ банкіне елеулі қаржылық жарна қосқанын атай отырып;

Вашингтонда Ядролық қауіпсіздік жөніндегі 4-ші саммитке байланысты жиналған АҚШ-тың, БАӘ-нің, Германияның, Жапонияның, Иорданияның, Испанияның, Қазақстанның, Канаданың, Қытайдың, Мажарстанның, Норвегияның, Оңтүстік Кореяның, Ұлыбританияның, Филиппиннің, Финляндияның, Францияның, Чехияның және Швецияның көшбасшылары төмендегідей мәлімдемені қолдайды:

·  Атом энергетикасы жөніндегі халықаралық агенттіктің ТБУ банкі – ашық нарық немесе төмен байытылған уран жеткізудің өзге де тетіктері тұрақсызданған жағдайда елдерге ядролық отын жеткізу кепілдігін қамтамасыз ету жөніндегі жаһандық күш-жігердің бір нәтижесі екенін атап өткіміз келеді;

·  Өткен бірнеше ай ішінде Атом энергетикасы жөніндегі халықаралық агенттіктің ТБУ банкін құруға қатысты елеулі ілгерілеуге қол жеткізілгенін, соның ішінде:

 - 2015 жылғы маусым айында Атом энергетикасы жөніндегі халықаралық агенттік пен Ресей Федерациясы арасындағы АЭХА төмен байытылған уранын және жабдықтарды Ресей аумағы арқылы АЭХА ТБУ банкіне және одан кері транзит бойынша өткізу туралы келісімге қол қойылғанын;

 - 2015 жылғы 27 тамызда Қазақстанның Сыртқы істер министрі Е.Ыдырысов және АЭХА Бас директоры Ю.Амано арасында АЭХА ТБУ банкін құру туралы елдік келісімге қол қойылғанын атап өтеміз.

  • Атом энергетикасы жөніндегі халықаралық агенттіктің Төмен байытылған уран банкін құру жөніндегі құқықтық мәселелер Қазақстан тарапынан толық шешім тапқанын растаймыз және оны кең ауқымды жүзеге асыру ісіне кірісеміз деп үміттенеміз.
  • Атом энергетикасы жөніндегі халықаралық агенттіктің Төмен байытылған уран банкі өз қызметін қауіпсіздік пен сенімділік жағдайында жүзеге асырады деп үміттенеміз.

 


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің