Бөлімдер санаты

Жаңалықтар

1 қыркүйек 2009
Қазақстан Президенті Нұрсұлтан Назарбаев Білім күні Астанадағы жалпы білім беретін мектептер мен лицейлердің оқушыларымен кездесті.
02_big-012

Қазақстан Республикасының Тұңғыш Президентінің Мұражайында өткен кездесуге елорда мектептері мен лицейлерінің сыныптарын бітірген 70-ке жуық оқушы қатысты. Олардың бәрі де оқу озаттары.

Әңгімелесу барысында Мемлекет басшысы жастардың сапалы білім алуларының маңызды екенін ерекше атап өтті.

- Сіздерді кәсіби маман ретінде құрметтеу үшін өздерің таңдаған істі, мамандықты жетілдіруге қол жеткізу қажет. Бүгінде оған барлық жағдай жасалған. Қазақстан мектептері компьютерлендірілген және Интернетке қосылған,- деді Н. Назарбаев.

Қазақстан мектептері интерактивтік тақталарды қоса алғанда, ең озық оқыту әдістемесін пайдаланады. Біздің оқушылар әр түрлі халықаралық олимпиадалар мен конкурстарда жоғары орындарға ие болып жүр.

- Біздің жас мемлекетіміздің болашағы сіздердің қолдарыңызда. Біздің еліміз бай болуы үшін және келешекте әлемнің ең дамыған елдерінің қатарына енуі үшін бізге жоғары білімді адамдар керек,- деп атап өтті Президент.

Мемлекет басшысы сондай-ақ адамның жан-жақты даму маңыздылығына тоқталды – неғұрлым ол ақылды болса, соғұрлым оған өмір сүру қызықты бола түседі. Бұдан басқа, салауатты өмір салтына көңіл бөліп, спортпен шұғылдану керек.

Нұрсұлтан Назарбаев жастардың сауалдарына жауап берді, өнер мен әдебиеттің қазіргі заманғы бағыттары туралы өз көзқарасымен бөлісті, мектептегі және бала кездегі достарымен қарым-қатынастары туралы айтты.


Барлық жаңалықтар
 
Басқа жаңалықтар
Барлық жаңалықтар