Жаңалықтар

15 желтоқсан 2005
Мемлекет басшысы Нұрсұлтан Назарбаев Атасу-Алашанькоу Қазақстан-Қытай магистральды мұнай құбырын іске қосу салтанатына қатысты.
150.jpg

- Бүгін айтулы күн. Қазақстанның тәуелсіздігі қарсаңында біз стратегиялық және экономикалық әріптесіміз Қытай Халық Республикасымен сауда-экономикалық қарым-қатынастағы маңызды оқиғаны атап өтудеміз,-деді Нұрсұлтан Назарбаев мұнай құбырын іске қосылуына орай өткен салтанатты жиында.

 

Президент екі ел арасындағы тауар айналымының 5 миллиард долларға дейін көтерілген жоғары деңгейін «екіжақты әріптестік қарым-қатынастардың серпінді дамуының арқасында екенін» атап өтті.

 

- Біз ҚХР Төрағасымен сауда көлемін екі есе ұлғайту жөнінде міндет қойдық және қазір бұл міндет жүзеге асырылуда,- деп атап көрсетті Мемлекет басшысы.

 

- Біз Төраға Ху Цзиньтаомен 2004 жылдың мамыр айында осы құбыр арнасының құрылысын бастау жөнінде келістік. 1997 жылы біз үлкен Қазақстан-Қытай құбыр арнасы жөнінде сөз қозғай бастағанымызда ол құрғақ қиял сияқты естілген еді. Межелі істің нақтылығына сенгендер аз болды. Міне, бүгінгі күні біз «үлкен құбырдың» Батыс Қазақстаннан Солтүстік Қытайға тартылған үштен екісі салынып біткенінің куәсі болып отырмыз. Біз құбыр арнасын жалпы көлемі 800 миллион доллар қаржы қорымен іске қосамыз, осыған байланысты 4,5 мың жұмыс орны ашылды. Атасу-Алашанькоу –бұл мұнай құбырына қатысты орасан жобаның арақашықтығы 1000 шақырым шамасындағы екінші буыны. Біріншісі- ол Атырау-Кеңқияқ -2003 жылдың көктемінде салынып біткен болатын. Енді Кеңқияқ пен Құмкөлді қосу ғана қалды. Сонымен мұнай құбырының болатты арнасы Каспий жағалауындағы кеніштерді белсенді дамып келе жатқан Қытай нарығымен  жалғастырмақ,-деді Мемлекет басшысы.

 

Президент сондай-ақ жиналғандарды алдағы Қазақстанның тәуелсіздігі күнімен құттықтады.


Барлық жаңалықтар
 
Басқа жаңалықтар
Барлық жаңалықтар