Жаңалықтар

12 мамыр 2006
Мемлекет басшысы Нұрсұлтан Назарбаев «Атырау мұнай өңдеу зауыты» жауапкершілігі шектеулі серіктестігінде болып, оның жөнделгеннен кейінгі ашылу салтанатына қатысты.

 

- Республиканың байырғы кәсіпорындарының бірі – Атырау мұнай өңдеу зауыты іс жүзінде өзінің екінші өмір-тарихын бастап отыр. Бұл өз тарихы және дәстүрі қалыптасқан кәсіпорын. Зауыт өндіріс көлемін ұдайы арттырып келеді. Кәсіпорын тек қана өткен жыл ішінде 3,5 миллион тонна мұнай өңдеп, 21 миллиард 600 миллион теңгенің тауарлық өнімдерін шығарды. Бүгінгі таңда Атырау МӨЗ-і ең озық технологиялы кәсіпорындардың қатарында, - деді Президент.

Кәсіпорынды кезең-кезеңімен қайта жөндеу жұмыстары 2003 жылдан басталып, жапондық Marubeni и JGC компаниялары жөндеу жөніндегі бас мердігерлерлік жұмыстарды жүргізді. Құрылыс-монтаждау жұмыстары барысында барлығы 400-ден асатын технологиялық жабдықтар жөндеуден өткізілді. Атап айтқанда, бензин және дизель майын тазартудың құрастырылған қондырғылары, күкірт өндіру қондырғысы, сутегін өндіру және тазарту қондырғысы.

Бүгінгі күні АМӨЗ 21 түрлі мұнай өнімдерін шығарады. Зауыт екінші жартыжылдықтан бастап мұнай өнімдерінің негізгі түрлерін шығаратын болады, одан басқа АИ-96 маркалы этилдендірілмеген бензин өндіруді жолға қоюды жоспарлап отыр.


Барлық жаңалықтар
 
Басқа жаңалықтар
Барлық жаңалықтар