Жаңалықтар

8 қыркүйек 2006
Мемлекет басшысы Нұрсұлтан Назарбаев «Отан» республикалық партиясының Ақтөбе филиалы жаңа кеңсесінің ашылу рәсіміне қатысты және Ақтөбе қаласындағы «Көктем» тұрғын үй кешенінде болды.
48.jpg

- «Отан» партиясы барлық мемлекеттік реформаларды жүзеге асыруға белсене қатысатын еліміздің жетекші саяси күші болып табылады. Мен «Отан» партиясы әрқашан да Қазақстанның даму саясатын, экономикалық өркендеуі мен біздің халқымыздың әл-ауқатын арттыруды қолдайды деп сенемін, - деді Нұрсұлтан Назарбаев «Отан» республикалық саяси партиясының өңірлік кеңсесін ашу кезінде.

«Көктем» тұрғын үй кешенінде Президент тұрғындарды жаңа пәтер алуымен құттықтады.

- Сіздер бүгінгі күні тұрғын үй құрылысының: Астана мен Алматыда ғана емес бүкіл  Қазақстан экономикасының локомотивіне айналғанын жақсы білесіздер. Жыл өткен сайын тұрғын үй құрылысының көлемі ұлғайып отыр. Тиісті мемлекеттік бағдарлама асыра орындалып келеді. Ақтөбе облысы бүгінгі күні республикада құрылыс қарқыны бойынша алдыңғы қатардан орын алып отыр. Маған мұнда өткен жылы 2004 жылмен салыстырғанда – үш есе көп, ал биылғы жылы өткен жылғымен салыстырғанда - екі есе артық тұрғын үй салынғаны белгілі. Болашақ тұрғын үй иелері мен барлық ақтөбеліктерге игілік пен өсіп-өркендеулерін тілеймін, - деді Нұрсұлтан Назарбаев.

Ақтөбе қаласын дамытудың бас жоспарында табысы аз отбасыларының жеке тұрғын үй салуы үшін 30 мыңнан астам жер телімдерін бөлу жоспарланған. Биылғы жылдың соңына дейін осында 200 мың шаршы метрден астам тұрғын үй пайдалануға берілетін болады.


Барлық жаңалықтар
 
Басқа жаңалықтар
Барлық жаңалықтар