Жаңалықтар

31 наурыз 2009
Мемлекет басшысы Нұрсұлтан Назарбаев Премьер-Министрдің, Үкіметтің экономикалық және қаржы блогы, Ұлттық банк, Қаржы нарығын және қаржы ұйымдарын реттеу мен қадағалау агенттігі, “Самұрық-Қазына” қоры басшыларының қатысуымен кеңес өткізді.

Президент Үкіметтің 2009-2011 жылдарға арналған дағдарысқа қарсы бағдарламасының орындалу барысын оның әрбір бағыттары – қаржы секторын, құрылыс саласын, шағын және орта бизнесті, агроөнеркәсіп кешенін қолдау, сондай-ақ инновациялық-индустриялық даму бағыттары бойынша тыңдады.


Бағдарламаның негізгі бағыттарын жүзеге асырудағы алға басушылықты атап өте отырып, Мемлекет басшысы Үкімет қабылдаған дағдарысқа қарсы шараларды белсенді жүргізу қажеттігін атап көрсетті.


Президент ауылшаруашылық шикізатын өңдеушілерге қаржы бөлу, мемлекеттік органдар мен жер қойнауын пайдаланушылар қызметіндегі қазақстандық мазмұнды ұлғайту, үлескерлерге қолдау көрсету, индустриялық-инновациялық саясаттың басты бағыттарын нақтылау, шағын және орта бизнеске қолдау көрсетудің тиімді жүйесін құру мәселелеріне кеңеске қатысушылардың айрықша назарын аударды.


- Біз жүзеге асырып жатқан шаралар перспективалы салалардағы нақты шаралар, бизнес ахуалды жақсарту, инновациялық белсенділікті арттыру жұмыстары түрінде шынайы қайтарымын беруге тиіс, - деп атап өтті Президент.


Барлық жаңалықтар
 
Басқа жаңалықтар
Барлық жаңалықтар