Жаңалықтар

15 желтоқсан 2005
Мемлекет басшысы Нұрсұлтан Назарбаевтың атына мемлекет басшылары, саяси және қоғам қайраткерлерінен келіп түсіп жатқан құттықтау жеделхаттары жалғасуда.

Мемлекет басшысы Нұрсұлтан Назарбаевтың атына БҰҰ Бас Хатшысы Кофи Аннаннан құттықтау жеделхаты келіп түсті.

 

-Сізді Қазақстан Республикасы Президенті лауазымына қайта сайлануыңызбен құттықтаймын. Осыған орай Ұлттар Ұйымы мен Қазақстан Республикасы арасындағы ынтымақтастық одан әрі де Қазақстан халқының игілігі және өңірдегі тұрақтылық пен қауіпсіздікті нығайту жолында дами береді деген үміт білдіремін,-деп атап көрсетіледі жеделхатта.

Мемлекет басшысы Нұрсұлтан Назарбаевтың атына сонымен қатар Еуропалық Кеңестің Орталық Азия елдері бойынша Арнайы өкілі Ян Кубиштен, Палестина Ұлттық Автономиясының Төрағасы Махмуд Аббастан, Грекия Республикасының Президенті Карлос Папулиастан, Ұжымдық қауіпсіздік жөніндегі Шарт ұйымының бас хатшысы Николай Бордюжадан,   Франция Конституциялық Кеңесінің төрағасы Пьер Мазодан, Жапонияның Қазақстанмен достық парламенттік лигасының бұрынғы төрағасы Р.Хасимото мен лиганың Бас хатшысы Т.Кавамурадан, Монғолияның Ұлы Мемлекеттік Хуралы, ғарышкер Ж.Гуррагчаадан шын жүректен шыққан құттықтау жеделхаттары келіп түсті.


Барлық жаңалықтар
 
Басқа жаңалықтар
Барлық жаңалықтар