Жаңалықтар

31 наурыз 2009
Мемлекеттік хатшы Қанат Саудабаевтың төрағалығымен Қазақстан Республикасының Президенті жанындағы азаматтық мәселелер жөніндегі комиссияның кезекті отырысы өтті.

Комиссия отырысында Қазақстан азаматтығын алуға өтініш берген адамдардың материалдары қаралды. Мемлекет басшысы тиісті Жарлыққа қол қойғаннан кейін 12 мыңнан астам адам Қазақстан Республикасының жаңа азаматтары атанады, олардың ішінде біздің мемлекетке ТМД елдерінен және алыс шетелдерден келген қандастарымыз бен өзге де ұлттардың өкілдері бар.


- Еліміздің жаңа азаматтары тәуелсіз Қазақстанның дамуына ғана емес, еліміздегі халық санының одан әрі ұлғаюына да өз үлестерін қосып отыр. Мұны жуырда өткен Жалпыұлттық халық санағының алғашқы нәтижелері көрсетіп отыр, оған сәйкес бүгінде Қазақстанда 16 жарым миллионға жуық адам тұрып жатыр. Тиісті мемлекеттік органдардың міндеті – бұл азаматтардың біздің елімізге тезірек бейімделуін шұғыл және жауапкершілікпен шешу, - деп атап өтті Мемхатшы.


Барлық жаңалықтар
 
Басқа жаңалықтар
Барлық жаңалықтар