Бөлімдер санаты
Әйелдер істері және отбасылық-демографиялық саясат жөніндегі ұлттық комиссия

Соңғы жаңалықтар

20 наурыз 2015
Қазақстан Республикасының Мемлекеттік хатшысы Гүлшара Әбдіқалықованың төрағалық етуімен Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның кезекті отырысы өтті
 

Отырыста Мемлекет басшысының «Нұрлы жол – болашаққа бастар жол» атты Жолдауын іске асыру аясында ел экономикасының индустриялық-инновациялық дамуына әйелдердің қатысу белсенділігін арттыру мәселелері қаралды.

Ұлттық экономика, Инвестициялар және даму министрліктері басшылары өз сөздерінде индустрияландыру бағдарламасының бірінші бесжылдығында 770 жоба іске қосылғанын атап өтті. Бұл жобаларға 63 мың адам тартылса, оның 18 мыңы (29%) – әйелдер. Тұтастай алғанда, әйелдердің еліміздегі  ІЖӨ-ге қосқан үлесі шамамен 40% болады.

Г.Әбдіқалықова әйелдердің ел экономикасындағы санын арттырудың маңызына тоқталып, Халықаралық валюталық қор сарапшыларының сөзімен айтқанда, «Еңбек нарығына әйелдер барынша көп араласқан сайын, әлемдік ІЖӨ мейлінше өсетінін, бірқатар елдерде нәзік жандылар қауымы экономиканың өсуін 30%-ға жеделдете алатынын» атап көрсетті.

Отырыста сондай-ақ мемлекеттік органдардың стратегиялық жоспарларының гендерлік аспектілері, Астана, Алматы қалалары мен облыстар аумақтарын  дамыту бағдарламалары, Солтүстік Қазақстан облысы әкімдігінің өңір халқының репродуктивті денсаулығын сақтау бағытында қолданылып жатқан шаралары қаралды. Г.Әбдіқалықова халықтың қалыпты өсуін және жалпы өмір сапасын арттыру үшін репродуктивті денсаулықты сақтау мен нығайтудың маңыздылығын атап өтті.

Сонымен қатар, отырысқа қатысушылар «Әйел денсаулығы» атты елордалық медициналық орталықтың жұмыс тәжірибесімен танысты. Орталық жетекшісі профессор Раушан Рахымжанова Ұлттық комиссия мүшелері назарын онкологиялық аурулар рейтингісінде әйелдердің жаңа басталған қатерлі сүт бездері ауруының 1-ші орынға шыққанына аударды. Оның айтуынша, Орталықта әйелдер науқасының репродуктивті кезеңдегі бастапқы диагностикасына сәулелерді пайдаланудың заманауи әдістері қолданылатынын, ол сырқатты дер кезінде анықтап, репродуктивті денсаулықты сақтауға мүмкіндік туғызатынын атап өтті.

Талқылау қорытындысы бойынша Ұлттық комиссия орталық және жергілікті мемлекеттік органдар үшін  еліміздің индустриялық-инновациялық дамуына әйелдердің қатысу белсенділігін арттыруға, гендерлік теңдікті және халықтың репродуктивті денсаулығын сақтауға қол жеткізуге бағытталған тиісті ұсынымдар берді.


Барлық жаңалықтар
 
Басқа жаңалықтар
Барлық жаңалықтар