Бөлімдер санаты
Әйелдер істері және отбасылық-демографиялық саясат жөніндегі ұлттық комиссия
Оқиғалар күнтізбесі
ДсСсСрБсЖмСнЖс
 
 
12345
6
7
89101112
13141516171819
20212223242526
27282930
 
 
 
Барлық жаңалықтар

Соңғы жаңалықтар

20 маусым 2019
ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссияның отырысы өтті

2019 ж. 20 маусымда ҚР Премьер-Министрінің орынбасары Г.Н.Әбдіқалықованың төрағалығымен ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссияның отырысы өтті.

Отырысты ашқан Ұлттық комиссияның төрайымы Г.Н. Әбдіқалықова Мемлекет басшысы Қ.К.Тоқаевтың ү.ж. 12 маусымда Қазақстан Республикасының сайланған Президенті қызметіне ресми кірісу рәсімінде қойған міндеттемелерге аса назар аударды.

Ұлттық комиссияда Президент белгілеген 10 маңызды бағыттардың қатарына кіретін  - жастарды жұмыспен қамту, жаңа жұмыс орындарын ашу, «Рухани жаңғыру» бағдарламасы аясында отбасылық құндылықтарды ілгерілету мәселелері қаралды.

Еңбек және халықты әлеуметтік қорғау министрлігінің ақпараты бойынша бүгінгі күні елде 14-тен 28 жасқа дейінгі 3,9 млн. жастар бар. Жастарды жұмыспен қамту мақсатында «Жасыл ел», «Дипломмен ауылға», «Серпін», «Жастар практикасы» бағдарламалары іске асырылуда. Өнімді жұмыспен қамту және жаппай кәсіпкерлікті дамыту бағдарламасы 2018 ж. 253 мыңнан астам жастарды жұмысқа тұрғызуға мүмкіндік берді, ол осы бағдарламаға қатысушылардың жалпы санынан 37% құрайды. «Бастау бизнес» жобасы аясында кәсіпкерліктің негіздері бойынша 8,5 мың жастар оқытылып, 2 мың. астамы шағын несие алды. Кәсібі бойынша алғашқы тәжірибе алу үшін 28,4 мың. астам жастар практикасына жіберілді. Әлеуметтік жұмыс орындарына және қоғамдық жұмыстарға жастар арасынан 34,8 мың адам жіберілді.

 Жастарды қолдау бойынша «Жастар – ел тірегі» Ұлттық жобасы басталды, онымен 1 млн. жас үш жыл ішінде қамтылатын болады.

Бірінші Президент - Елбасы Н.А.Назарбаевтың тапсырмасы бойынша қабылданған «Рухани жаңғыру» бағдарламасы және «Ұлы даланың жеті қыры» басымдықтары рухани-адамгершілік құндылықтарды қайта жаңғыртуға бағытталған. Бұл үрдісте отбасы рухани, мәдени құндылықтарды, ұлттық кодты сақтау мен көбейтуде үлкен рөл атқарады. Сондықтан осы тапсырманы іске асыруда отбасылық құндылықтарды жылжытуға аса мән берілген. Бұл мақсаттарға ҮЕҰ үшін мемлекеттік әлеуметтік тапсырыс аясында 2019 ж. 607 млн. тенгеге  167 әлеуметтік-маңызды жоба көзделген.

Мәдениет және спорт министрлігі каникул кезінде оқушылардың республикалық музейлерге, табиғат қорығы-мүзейлеріне және театрларға тегін кіру практикасын енгізді. Балалар мен жастарды шығармашылық және креативтік жобаларға белсенді тарту үшін өңірлерде 208 коворкинг-орталықтары құрылды, олардың көбісі Алматы қ., Алматы, Шығыс Қазақстан, Павлодар және Қарағанды облыстарында ашылды.  

Отырыста сонымен қатар Қазақстан Республикасындағы 2030 жылға дейінгі отбасылық және гендерлік саясат тұжырымдамасын іске асыру бойынша 2017-2019 жылдарға арналған іс-шаралар жоспарының Маңғыстау облысында орындалу барысы туралы мәселе қаралды. Тұрғындардың әлеуметтік осал топтарын қолдау мақсатында өңірде іске асырылып отырған «Бизнес 3 күнде» жобасының оңды тәжірибесі аталды. Басты міндет - төменгі кірістері бар отбасыларға өз ісін ашуға көмек көрсету. 2019 ж. наурыздан бастап жобаға 120-дан астам қатысушы - 61 кірістер мөлшері төменгі адам, 37 көп балалы отбасылар, 2 көп балалы-жалғыз басты әке, 7 жалғызбасты ана және мүгедектігі бар адамдарға күтім жасайтын 13 адам өз бизнесін ашты. Нәтижесінде 37 тігін цехы, 11 қолөнер және 4 тоқыма шеберханасы, 21 тағам өндіретін объектілер, 25 кондитерлік, 12 сүт тағамдары мен сусындар өндіретін мини-цехтар, 2 қызмет көрсететін бизнес ашылды.   

Отырыс соңында ҚР Премьер-Министрінің орынбасары, Ұлттық комиссияның төрайымы Г.Н.Әбдіқалықова мемлекеттік органдарға бірқатар нақты тапсырмалар берді.         

             


Барлық жаңалықтар
 
Басқа жаңалықтар
Барлық жаңалықтар