Бөлімдер санаты
Әйелдер істері және отбасылық-демографиялық саясат жөніндегі ұлттық комиссия

Соңғы жаңалықтар

3 сәуір 2015
«Рухани-адамгершілік тәрбиедегі инновациялық тәсілдер» атты республикалық ғылыми-тәжірибелік конференция өтті

 

Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссия Қазақстандағы БҰҰ Даму бағдарламасымен және Оңтүстік Қазақстан облысы әкімінің жанындағы әйелдер істері және отбасылық-демографиялық саясат жөніндегі комиссиямен бірлесіп, «Рухани-адамгершілік тәрбиедегі инновациялық тәсілдер» тақырыбында республикалық ғылыми-тәжірибелік конференция өткізді.

Іс-шараға Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның мүшелері, Қазақстан әйелдері арасынан шыққан тұңғыш генерал С.Айтбаева, орталық және жергілікті мемлекеттік органдардың өкілдері, ғалымдар, Алматы, Жамбыл, Қызылорда және Оңтүстік Қазақстан облыстары мен Алматы қаласының үкіметтік емес ұйымдарының көшбасшылары қатысты.

Конференция мақсаты – рухани-адамгершілік тәрбиедегі инновациялық тәсілдерді талқылау және жұмысты одан әрі жетілдіру бойынша ұсыныстарды тұжырымдау.

Конференция аясында «Ашық мектеп» қоғамдық қоры» ата-аналар клубының, рухани-адамгершілік тәрбиедегі гештальт тәсілдердің, адамгершілік құндылықтарды қалыптастырудағы зияткерлік жыныстық-рөлдік трансформация тәсілдері таныстырылды. «Ақбота» қоғамдық қорының президенті, Ақмола облысы Вячеслав ауылдық мектебінің директоры Т.Немцан еңбекке тәрбиелеудегі инновациялық тәсілдер туралы әңгімелеп, «Жергілікті қауымдастықтардың әлеуметтік мәселелерін шешудегі жобалық модельдеу» тақырыбына шеберлік сабағын өткізді.  

 


Барлық жаңалықтар
 
Басқа жаңалықтар
Барлық жаңалықтар