«Нұрлы жол» атты жаңа экономикалық саясатты іске асыруға әйелдердің қатысуы

«Нұрлы жол – болашаққа бастар жол» жаңа экономикалық саясат шеңберінде ҚР ИДМ екі бағытты іске асыру жүктелген: индустриялық инфрақұрылымды және туризм инфрақұрылымын, көлік-логистикалық инфрақұрылымын дамыту.

Мемлекет басшысының 2015ж.11.02. Үкіметтің кеңейтілген отырысында берген тапсырмасына сәйкес іскерлік белсенділікті арттыру және дағдарысқа қарсы жаңа шараларды қабылдау шеңберінде әзірленіп жатқан «Нұрлы жол» инфрақұрылымдық дамытудың мемлекеттік бағдарламасы геологиялық барлауды, сапа инфрақұрылымын дамытуды және экспорт пен отандық машина жасауды қолдау сияқты бөлімдерімен толықтырылатын болады.

Еліміздің экономикасын индустриялық-инновациялық дамытуға әйелдердің қатысуын ұлғайту жөнінде қабылданып жатқан шаралары бойынша:

  1. индустрияландыру бағдарламасы бойынша:

2014 жылы индустрияландырудың 1-ші бесжылдығы аяқталды. Жүзеге асыру жылдары заңнамалық дерекқоры құрылды, инфрақұрылым мәселелерінің көбі шешілді, бизнесті мемлекеттік қолдау аспаптары әзірленді, кәсіпорындар жаңғыртылды және инвестициялық ахуалы жақсарды.

Экономика аса тиімді болып табылады. Өндеу өнеркәсібіндегі еңбек өнімділігі 57%-ға көтерілді, ал экономиканың энергия сиымдылығы
18,6% азайды.

2008 - 2013 жылдары өнеркәсіптердің инновациялық белсенділігі
2 есеге, инновациялық өнімдер өндіру – 5 есеге өсті.

2010 жылдан бастап 2014 жылғы 9 ай ішінде өндеу өнеркәсібіне
16,5 млрд. АҚШ доллар тікелей шетел инвестициялары тартылды. Бұл өткен 5 жылмен салыстырғанда 2,7 есеге артық.

2008 жылмен салыстырғанда 2014 жылы өндеу өнеркәсібінің негізгі капиталына арналған инвестициялар көлемі 2 есеге артты (3,7 трлн. теңгеден 6,6 трлн. теңгеге).

Статистикалық деректерге сәйкес 2013 жылы
ЖІӨ қалыптастырудың әйелдер үлесі 39,3% құрады және 2010 (38,8%) жылмен салыстырғанда 1,2% өсті.

Өңдеу өнеркәсібінде 2013 жылы 205,5 мың әйел адам жұмыс істеді, 2010 жылға қарағанда (211,8 мың.) 2,8% азайды. Басқару құрамы да 7,5% азайды (7,3 мың әйел адам 2013 жылы және 7,9 мың әйел адам 2010 жылы).  Кен өндіру өнеркәсібінде керісінше ұлғайды, 2013 жылы 56 мың әйел адам қамтылды, бұл 2010 жылмен (46,6 мың) салыстырғанда 7,4% артты. Бұл ретте, әйелдердің қатысуы басқару лауазымдарда анағұрлым артты, егер 2010 жылы олардың көлемі 2,6 мың болса, 2013 жылы – 3,3 мың, бұл 27% өсті.

2014 жылы 600 млрд. теңгеге 150 жоба енгізілді, 78% тұрақты жұмыс жасауда.

Карта шеңберінде ү.ж. 7 мың тұрақты жұмыс орнын құрумен 600 млрд. теңге сомасында шамамен 75 жоба іске қосу жоспарланып отыр.

Осы жылы «Нұрлы Жол» ЖЭС мен индустрияландырудың 2-ші бесжылдығын жүзеге асыру басталады.

Индустриаландырудың 2-ші бесжылдығы шеңберінде 6 салада
14 сектор анықталды (металлургиялық кешен, мұнай өңдеу кешені, тамақ өнеркәсібі, химия өнеркәсібі, өнеркәсіп өндірісі, құрылыс материалдары). Министрлік, мүмкін болатын аталған барлық жобалар мен объектілерде, әртүрлі салалардың ерекшеліктеріне байланысты әйелдерді белсенді тартуға ықпал етеді. 

 

  1. Көлік бойынша:

Өнеркәсіп саласын және жалпы ел экономикасын дамытуға  тірек қалыптастыратын сапалы көлік инфрақұрылымын дамыту бойынша ауқымды жұмыстар жалғасады.

Бұдан былай 200 мыңға дейін адам, оның ішінде 10-15%-ға жуық әйелдер іске қатыстырылатыны болжамдалады.

Мысалы, автожолдық салада негізгі іске асырылатын жоба – ол осы жылда  аяқталатын «Батыс Еуропа-Батыс Қытай» халықаралық транзиттік дәліздің қайта құруы болып, оның жүзеге асыруында 17 бас мердігерлік ұйымдар және 25 мың адам жұмсалынған (оның ішінде 10% әйел құрайды (лаборанттар, медбикештер, аспазшылар және күтуші қызметкерлер).

Сонымен қатар, Орталық-Оңтүстік, Орталық-Шығыс және Орталық-Батыс жобаларын іске асыруда,  басқа да  республикалық маңызы бар автожолдар учаскілерін реконструкциялау, пайдалануға берілгеннен кейінгі тасымалдау көлік саласындағы жұмыстардағы әйелдердің санын көрсетілген пайызға дейін жеткізу болжамдалады.

Үстіміздегі жылғы маусымға дейін туристік объектілердің көліктік қолжетімділігін және инженерлік инфрақұрылымын қамтамасыз етудің, сондай-ақ оларды ішкі және сыртқы нарықтарда ілгерілету жоспарын әзірлеу жұмыстары аяқталады. Осы жұмысқа да барынша әйелдер санын тартуға жоспарланып отыр.


 
Әйелдер және кәсіпкерлік